1_ هذا واحد مول الطاكسي مبوق مزيان غادي فالمدينة او هي تشير عليه واحد المراا هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش.
**************************
_ هذا واحد البناي بغا يضحك مع صاحبو ..خلاه حتا دخل المرحاض وبنا عليه حيط.
**************************
3_ قال ليك هدا واحد راجل معكااااز.. واحد نهار خرجات مراتو باش تصخر او منين رجعت, دقت لباب او قالت ليه حل ليا
او هو يقول ليها سيري لدار باك راكي مطلقة.
**************************
4_ هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس
جا واحد النهار البقال طلع ليه الدم و قال مع راسو و الله اليوم ما نخاف منه و اللي بغا يكون يكون . ايوا جا عنده داك الراجل و قال له عطيني كوكا ولا ...؟
جا البقال رد عليه :ولا شنو ؟؟؟؟ رد عليه الراجل و قال له: ولا فانتا .
**************************
5_ واحد العروبي كان غادي بالليل شداتو الصطافيط.. سولوله الحناش
قالو ليه: اجي نتا لهنا.. واش كتقرقب؟
قال ليهم : لااا اسيدي والله ما كندير الحس.
**************************
6_ واحد المكلخ داير كروسا وتيدور بيها في الدروبا وتيغوت
باطاطاااااااا ...ماطيشاااااااا ...القزبور ..المعدنوووووس
وقف عليه واحد لقا عندو غا الحوت في الكروسة ..ما كاين لا بطاطا ولا مطيشة
قالو : كيفاش تتقول بطاطا وانت تتبيع الحوت؟
قال ليه المكلخ: اسكت اسكت .عندك يسمعوك القطوط.. مابغيتهومش ايتبعوني..
**************************
7_ هدا واحد راجل عزي بزاف مشا لحمام فاش خرج لقا حوايجو تشفرو
او هو اهز طاباشير بيض او كتب فظهرو adidas
**************************
8_ واحد خينا نعس وهو يحلم بأنه لقا مكتوب (الحلقة الاخيرة)
وهو يصبح ميت.
**************************
9_ قال ليك هذا واحد المغربي مشا عند واحد صاحبو في المريكان
وداه لواحد البلاصا كيصنعو فيها الطوموبيلات
و قال ليه: حنا عندنا هنا حل عينك وسدها تلقا طوموبيل جديدة تصنعت.
و بقا المغربي كيتعجب, ناض داك المريكاني جا للمغرب و المغربيداه للحمام ودخلو وبقاو جالسين شوية
وهو المريكاني يسولو: اش كاديرو في هاد البلاصا؟ (الحمام زعما)
المغربي لقاها فرصة باش يطنز عليه
قال ليه : كانصنعو بنادم
شوية وهو يخرج واحد كحل
قال ليه المركاني: وهادا مالو؟
قال ليه حرقاتو الماكينة
و ملي خرج واحد قصير
قال ليه: و هادا؟
قالو: هادا الشياطة ديال العجينة.
**************************
10_ واحد البوليسي شد واحد مول الطوموبيل يلاه عاد قبط ال permis
قالو أرا الوراق.. الوراق مريكلين.. الطونوبيل 10/10
حزام السلامة راه لابسو...
ملقا فين يشد في صاحبنا...
قاليه: عندك سجالا ..
قاليه : كاينا
وهو يخدمها ليه.. البوليسي ناض كيشطح
وقال ليه: علق علق الخوك شي 20 درهم
**************************
11_ هدا واحد البخيل قل ليه ولدو :ابا عطيني 5 دراهم ندرب دويرة انا و صاحبي.
قل ليه باه: هاك ها درهم و سير نيشان .
**************************
12_ واحد العروبي كان جاي في الطوموبيل مع مرتو وهي تبان ليهم علامة (قف) ..
قالت ليه مرتو: ديالاش هديك؟
راجلها وقف الطوموبيل ونزل ضرب البلاكا براسو ورجع عند مراتو
وقال ليها: ديال الحديد هاديك.
**************************
13_ واحد خينا طوييييييييييل ..مشا السويقة
وقال للفكهاني: اوزن ليا شي 2 كيلو تاع المشماش من هنا
الفكهاني قالو : احني شوية الشريف ...راه الليمون هدا ماشي المشماش
**************************
14_ الملك ديال المغرب نصره الله عرض على رئيس مريكان ايزور المغرب
وهوما تيدوروا في المدينة ..الرئيس بدا تينتاقد احوال بلادنا
الرئيس : اصاحبي بلادك مزال لور بزااااف..شوف شوف هاداك تيلوح الزبل من البلكونة
شوف هداك لهيه عوتاني مبهدل وحالتو حالا ...المتشردين عندكم بحال الركلام..
الملك مرضاش مابغاتش تصرط ليه
دارت الايام ومشا لمريكان ...
قال للرئيس :وهي نضربو شي دويرة فالمدينة
بغا يرد ليه الصرف.زعما
واااالو..كولشي نقي ..الناس محترما ..النظام...يا سلام عليك
واحد الشوية ويبان ليهم واحد 3 ديال الناس تيبولو (اكرمكم الله) على واحد الحيط
الملك فرح وقالو بشماتة : يا ودي يا ودي على مريكان...
شوية دارو دوك الثلاثة ديال الناس ..وجاو تيتجاراو وتيغوتوا:
عااااش الملك .....عاااااش الملك
**************************
15_ قال لك هدا وحد غبي قال يا رب ندير يدي في جيبي نلقى 20 درهم مني قلب جيبو لقاه متقوب و هو يرجع يقلب لتكون طاحت.
**************************
16_ واحد راجل بغا يتزوج ناض دا وحدا متدينه مقابله غي الدين ..
واحد نهار دخل للدار جيعان
قالها وا لمرا كاين شي غدا؟
حطات لو البيض مسلوق
قالها.. و اكوكوط علاش شريتها, باش ديرينا لمرقا .
قاتلو لا الكوكوط كتصفر و التصفار في الاسلام حرام ..
قالها ايوا نودي سيري لداركم حتى يخرجو شي كوكوط كتوذن عاد اجي
**************************
17_ يقول المريض: ذاكرتي ممتازة جدا........ ولكن هناك ثلاثة اشياء لا اتذكرها:
الوجوه لا اتذكرها جيدا، الأسماء لا أتذكرها جيدا، و هناك شيء ثالث نسيته...
18_ كلب ينبح كثيرا ثم اصيب بانهيار عصبي ..لماذا؟ لانه ينبح على صمك.
**************************
19_ هاذا واحد السيد ما يعرفش اشنوا هي لاراف
واحد النهار كان مقصر مع صحابوا فواحد البلاسة مشبوهة . وجات لراف صحابوا بداو يجريوا و يقولو لراف لراف لراف .حتى هو بد يجري يجري يجري حتى وصل لواحد المركز نتاع البوليس و دخل .قلوليه البوليس مالك قالهم كاتجري علي لراف
**************************
20_غالك هذا واحد الساط مريح مع صاحبو
غاليه عرفت ولاد اسفي ليعمر ليهم الدار
غاليه.. كيفاش؟
غاليه.. مساكن كيعشيوك او يبيتوك معاهم ا صباح يعطيوك 300dh
صاحبو غاليه شكون غالك هاد الهدرة ؟
غاليه, ختي
**************************
21_ غالك هدا واحد العزي فيه البرص
مشى عند الطبيب اهو يخرج ليه سيراج
**************************
22_ كاليك هدي واحدة مشات لصتاصيونstation
و قالت لمولاه.. دير ليا عفى خويا شويش ديال ليصانص او نقيطة ديال الزيت او معيلقة ديال الماء...
هو يقول لها.. شي حزيقة فروايض لا؟؟؟
**************************
23_ هادو ثلاثة ديال لعيالات جالسين في قهوة كل وحدة كتعيق على الاخرى اللولا بدات : أنا راجلي غادي إشري توريفيل ..
الثانية قالت : وايلي مفخباركمش.. أنا راجلي غايشري تقريبا معاريف كامل. والثالثة قالت ليهم : أوشكون قاليكم أن راجلي بغا يبيع...
**************************
24_هدا واحد العروبي يالاه حطوا الكار فcasa
مشا تبع واحد البنت قاليها -البنت قول ليا اشنوا سميتك
قالت ليه انا سميتي fati fleur ( فاطمة الزهراء )
قال ليها انا سميتي le père de la plui ( بوشتا )
*****************************
25_ دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع
**************************
واحد سقرام شرا خبرة..شفرها ليه شمكار تبعو... مني شاف انو مشا عليه.. قال ليه سير الله يجعلها صدقة ورحمة الوالدين
موضوع: 26 نكتة %100 مغربية هههههههههه 
الإثنين سبتمبر 01, 2008 5:07 pm
