* هذا واحد العروبي شرا R4 و بغا جربها فالطريق قال نمشي بها للرباط المهم خرج صاحبنا للطريق يلا بغا إخرج من الدار البيضاء وهو اشعل الراديو وهو يسمع هنا الرباط وهو يقول بشااااااااخ على الحديد
* هدا واحدالمعلم قال للتلاميذ ديالو كتبوا لي انشاء على مقابلة فكرة القدم واحد الكسول كتب ليه"نظرا للأمطار الغزيرة تأجلت المباراة
* قاليك هدا واحد لمكلخ ماعمروا مشى لشي مقهى وجلس فيها واحد النهار قال مع راسو والله حتى نمشي لهاد القهوة اللي مصدعينا بيها ونجلس فيها المهم خونا مشى وريح جالعندوا النادل قالوا شنوا حب الخاطر اسيدي قالوا بغيت قهوة مشى النادل جاب ليه كاس ديال القهوة لمكلخ هو يهبط عليه دقة وحدة(بدون نفس) وهو يقول للنادل ممممممم صافي هي هاديك غي جيب لبريق
* هدو جوج كتغانوا على واحد القطة واش دكر ولا انثى
واحد جا دايز قلهوم طلقوها يلا هربت راها قطة ويلا هرب راه قط
* هدا وحد مغريبي غال لواحد شينوي ضربني و نضربك ,غال ليه واخا -
جا شينوي ضربو ولمغريبي سخف يومين .فاش فاق غال لوه شنا درابتيني غال ليه
frape coup
جات نوبت مغريبي ضاربو و هوا يبقا فكوما عام .غال ليه شينوي شنو ضرابتيني غال ليه
kmg
غال ليه كيفاش هادشي جاوبو: كلامونيت ملوي في جورنال
* هدا واحد زقرام بزاااااف فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خير
* استاد بغا يدير فرض لدراري على غفلة..قال ليهم عندكم غدا فرض على غفلة
* هدا راجل شرا حولي قبل من لعيد بعام ولفو عليه مالين دار. مني قرب العيد مشا لحولي عند الراجل فال ليه بابا امتا هاتجيبلنا لحولي
* قال لك هذه امرأة ميريكانية..و فرنسية و مغربية..سولوهم على الحاجة اللي شرطوا على الراجل و حققها..
-الميريكانية قالت: أنا النهار الأول قلت له ماكنعرف نطيب..التهار الثاني ماشفت والو..النهار الثالث جاب طباخة..
-الفرنسية قالت: أنا النهار الأوول قلت له ما كنعرف نصبن..النهار الثاني ماشفت والو..النهار الثالث جاب مكينة د الصابون..
-المغربيةقالت: أنا النهار الأول قلت ما كتعرف نطيب و لا نصبن..النهار الثاني ماشفت والو..النهار الثالث..وليت كنشوف شويا بالعين اليمنية......
* واحد الراجل عرض على صحابو يجيو عندو لدار, ملي جلسو شوية هدروا قال ليهم شنو نسبقو أتاي ولا العشا ؟؟
قالو ليه العشا ! هو يقول ليهم توكلنا على الله نوضو تصليو !!!
موضوع: آخر ما أنتج في النكت 
الأربعاء سبتمبر 03, 2008 3:31 am
